MUSTER PĀNUI

NGĀ WHAKAMAHUKITANGA | PRODUCTION INFORMATION

E rapa ana a Piksies Melody Ltd i ētahi kaihaka, kaiwhakaari, kaikanikakani, kaiwaiata, ngā tangata pūkenga rau nō te ao rēhia, kia whakatū i tētahi terenga whakawhanake i te whakaari puoro reo Māori nā te whānau Tuari e kiia ana ko Whakapaupakihi. 

E rima ngā wānanga ka tū ki roto i te Tairāwhiti nō ngā marama o Hurae ki te Oketopa.  Kātahi ka whakakotahi mai anō mō ngā wiki e rua i te marama o Oketopa mo ngā whakaharatau whakamutunga, ā, ka kotahi wiki te roa ka tū te whakaaturanga ki Tūranga. 

Katoa, katoa ngā tūranga ka whai pūtea, ā, ka utu hoki i ngā nama katoa pēnei i te penehīni, te waka rererangi rānei, i tō nōhanga mai, ka whāngai hoki mātou i a koe. Nā, i te mutunga iho, ka manaaki mātou i a koe. 

He kaupapa a Whakapaupakihi kua roa e tautokona ana e ngā ringa maha, pēnei i te Ahurei o Te Tairāwhiti, Toi Aoteaora me ngā whānau maha huri i te Tairāwhiti.  He mea tautoko tēnei terenga whakawhanake e te Manatū Taonga. 

​

​

HE KŌRERO MŌ WHAKAPAUPAKIHI | DESCRIPTION OF WHAKAPAUPAKIHI

He whakaari reo Māori, he whakaari waiata hoki a Whakapaupakihi nā te whānau Tuari e kōrero ana mo ngā takahanga a te tokotoru a Iranui. Ko Taua-i-te-rangi tēnā rātou ko Mahaki-ewe-karoro, ko Hauiti.

​

​

HE KŌRERO MŌ WHAKAPAUPAKIHI | MUSTER INFORMATION

Kai te whakatū Muster mātou kia whai wāhi mai te tangata ki te whakaari puoro reo Māori e kiia ana ko Whakapaupakihi. Ka kotahi rā te roa. 

Anei ngā taputapu me heri mai e koe:

• Ngā kākāhu e tika ana kia pai ai tō korikori

• He wai Māori

• He kai

E rua ngā Musters e whakatūria ana e mātou. 

Te Wānanga Tuatahi - Muster One (Tamaki Makaurau)

Date: Saturday 06 May 2023

Time: 10am - 5pm

Location: Te Pou Theatre, Corban’s Estate Arts Centre, Henderson, Auckland

​

Te Wānanga Tuarua - Muster Two (Tairāwhiti)

Date: Saturday 13 May 2023

Time: 10am - 5pm

Venue: TBC

​

Registrations close Wednesday 3rd May